टेक -

मोर गुरु महादेव हर हर,नांदिया वाला भोला ॥

मोर गुरु महादेव हो.. मोर गुरु महादेव हो ॥

माथ दूज के चंदा सोहे जटा में गंगा के धारा

तीन आखि वाला शिवसंकर देखे सकल संसारा

मोर गुरु महादेव हो...मोर गुरु महादेव हो ॥

हाथ में डमरू त्रिशूल धारे कान में कुण्डल बाला

गला में लपटे नाग करिया कनिहा बगम्बर छाला

मोर गुरु महादेव हो... मोर गुरु महादेव हो.. ॥

मरी मसान के राख़ ल चुपरे तै भोला अवघटिया

भुत परेत राजा महादेव झूपय चटिया मटिया

मोर गुरु महादेव हो.मोर गुरु महादेव हो ॥