गजानंद सरकार पधारो, कीर्तन की सब त्यारी है

आओ आओ, बेगा आओ, चाव दरश को भारी है

गजानंद सरकार पधारो...

थे आओ जब काम बणैला, थां पर सारी बाजी है

रणत भंवर गढ़ वाला सुणल्यो, चिंता म्हारे लागी है

देर करो मत ना तरसाओ, चरणां अर्ज हमारी है

गजानंद सरकार पधारो...

रिद्धि सिद्धि ले संग आओ विनायक, द्यो दर्शन थारे भक्तां नै

भोग लगावां घोल लगावां, पुष्प चढावां थारे चरणां मै

गजानंद थारे हाथां मै, अब तो लाज हमारी है

गजानंद सरकार पधारो...

भक्तां की तो विनती सुण ली, शिव-सुत प्यारो आयो है

जय जयकार करो गणपति की, आकर मन हरषायो है

बरसैलो रस अब भजनां मै, आंगी महिमा न्यारी है

गजानंद सरकार पधारो...