मेरो वृंदावन प्राण वृंदावन

जीवन वृन्दावन हमारो वृन्दावन

जय जय वृन्दावन प्राण वृन्दावन

जीवन वृन्दावन हमारो वृन्दावन

रास बिहारी भानु दुलारी

अविचल जोड़ी प्राणन प्यारी

नित्य यहाँ कुंजन में विराजे

शोभा निरख सखि जाएँ बलिहारी

ये राजे वृन्दावन ये साजे वृन्दावन

जीवन वृन्दावन हमारो वृन्दावन

ब्रजमंडल की शोभा न्यारी

राधा रमण प्यारे बाँके बिहारी

राधा वल्लभ लाड़ लड़ावे

यमुना निधिवन अति सुखकारी

जाको भावे वृन्दावन बसावे वृन्दावन

जीवन वृन्दावन हमारो वृन्दावन

ब्रजवासिन के प्राणन प्यारे

तिनके तुम जीवन रखवारे

संत रसिक जन उर में धारे

इक क्षण होत न पल भर न्यारे

वो गावें वृन्दावन वो जीवें वृन्दावन

जीवन वृन्दावन हमारो वृन्दावन

बोलो किस विध तुम्हें रिझाएँ

नित नित नव नव लाड़ लड़ाएँ

ब्रज रज छाड़ किहूँ न जाएँ

चरणन में जीवन यह बिताएँ

हम बसें वृन्दावन हम रहें वृन्दावन

जीवन वृन्दावन हमारो वृन्दावन

श्री राधा रसेश्वरी

रसिकेश्वर घनश्याम

करहूँ निरंतर वास मैं

श्री वृन्दावन धाम